იურიდიული

დაბრუნება და გაუქმება

ბოლო განახლება: 2026 წლის 20 ოქტომბერი

1. გაუქმება მომზადებამდე

თუ ჯერ არ დაგვიწყია სასმელის მომზადება, შეკვეთა უქმდება და თანხა სრულად ბრუნდება. დაგვირეკე +995 593 95 96 01 ან მოგვწერე hello@waycup.ge და დაასახელე შეკვეთის ნომერი.

2. თუ სასმელი უკვე მზადაა

მომზადებული სასმელი ვერ ბრუნდება — ეს საკვები პროდუქტია. მაგრამ თუ:

• სასმელი არ შეესაბამება შეკვეთას,
• ან აშკარად დაზიანებულია ან უხარისხოა,

მოგიმზადებთ ხელახლა უფასოდ ან დაგიბრუნებთ თანხას — შენი არჩევანით. გვითხარი ადგილზე ან იმავე დღეს დაგვიკავშირდი.

3. თუ არ მოხვედი

წინასწარ გადახდილი შეკვეთა გელოდება შეკვეთის დღის დახურვამდე (23:00). თუ ვერ მოახერხე, მოგვწერე იმავე დღეს — თუ სასმელი არ მომზადებულა, თანხას დაგიბრუნებთ.

მომზადებული და გაუტანელი სასმელი იყრება და თანხა არ ბრუნდება.

4. გამოწერა

• გამოწერა უქმდება ნებისმიერ დროს — უბრალოდ აღარ ანახლებ, ავტომატური ჩამოჭრა არ ხდება;
• უკვე გადახდილი და დაწყებული პერიოდის თანხა არ ბრუნდება;
• თუ გამოწერა იმავე დღეს გადაიხადე და შეღავათით ჯერ არ გისარგებლია — დაგვიკავშირდი, თანხას დაგიბრუნებთ.

5. როგორ ბრუნდება თანხა

• დაბრუნება ხდება იმავე ბარათზე, რომლითაც გადაიხადე — სხვა ანგარიშზე ვერ გადავიტანთ;
• განცხადებას განვიხილავთ 3 სამუშაო დღეში;
• თანხის ბარათზე ასახვას ბანკი საჭიროებს დამატებით 5—10 სამუშაო დღეს — ეს ვადა ბანკზეა დამოკიდებული, არა ჩვენზე;
• წერტილზე ბარათით გადახდილი შეკვეთა ბრუნდება ადგილზევე.

6. რა გვჭირდება

შეკვეთის ნომერი (მაგალითად W-103), ტელეფონი, რომელიც შეკვეთისას მიუთითე, და მოკლედ — რა მოხდა. ბარათის მონაცემები არ გვჭირდება და არასდროს გკითხავთ.

7. თუ პასუხი არ მოგწონს

დაგვიკავშირდი hello@waycup.ge. თუ ვერ შევთანხმდით, შეგიძლია მიმართო შენს ბანკს ან სამომხმარებლო დავების განმხილველ ორგანოს საქართველოს კანონმდებლობით.